Ukrainskija vojski prasunulisia ŭ Kurskaj vobłaści na 35 km
Pad kantrolem ukraincaŭ znachodziacca 82 nasielenyja punkty.
15.08.2024 / 15:24
Alaksandr Syrski. Fota: hromadske.ua
Ukrainskija vojski praciahvajuć prasoŭvacca na terytoryi Kurskaj vobłaści — usiaho z pačatku apieracyi ŭžo na 35 km. Pra heta paviedamiŭ hałoŭnakamandujučy USU Alaksandr Syrski na staŭcy va Uładzimira Zialenskaha, piša hromadske.ua.
Eduard Maskaloŭ
Na Kurščynie ŭžo stvaryli vajennuju kamiendaturu — jaje kiraŭnikom staŭ hienierał-major Eduard Maskaloŭ. Jak rastłumačyŭ Syrski, heta treba dla padtrymańnia pravaparadku i zabieśpiačeńnia pieršačarhovych patrebaŭ nasielnictva na padkantrolnych terytoryjach.
Akramia taho, jašče ŭ troch nasielenych punktach zaviaršyli pošuk i źniščeńnie praciŭnika.
Z pačatku sutak siły abarony na asobnych napramkach prasunulisia ad 500 m da 1,5 km i adbili try ataki. Bajcy praciahvajuć nastupalnyja dziejańni. Usiaho ž z pačatku apieracyi ŭ Kurskaj vobłaści ŭkrainskija vojski prasunulisia na 35 km, uziali pad kantrol 1150 kvadratnych km i 82 nasielenyja punkty.
Ukrainskija ŭłady prapanavali žycharam Kurskaj vobłaści evakujavacca na terytoryju Ukrainy
U pačatku bajoŭ u Kurskaj vobłaści rasijanie prymali ŭkraincaŭ za svaich
Dzied hałoŭnakamandujučaha USU Alaksandra Syrskaha naradziŭsia ŭ Biełarusi