Varažbitka raźviała biełarusku amal na 60 tysiač rubloŭ
55-hadovaja žycharka Frunzienskaha rajona Minska ŭžo nie raz źviartałasia da pa dapamohu da roznaha kštałtu ekstrasensaŭ u vyrašeńni svaich žyćciovych prablem. Letaś adna varažbitka časta davała joj niebiaspłatnyja parady ŭ asabistych pytańniach. Ale hetym razam, jak paviedamlaje Śledčy kamitet, žančynu padmanuli na vielmi bujnuju sumu.
15.08.2024 / 16:49
Fota ilustracyjnaje
U lipieni hetaha hoda žančynie napisała nieviadomaja, jakaja pradstaviłasia ekstrasensam. Surazmoŭca nastojliva cikaviłasia jaje zdaroŭjem i asabistymi spravami. Kali ž taja zadała pytańnie pra svaju budučyniu, to varažbitka skazała, što treba nieadkładna raźbiracca ź situacyjaj i stavić «abaronu», ale heta kaštuje vielmi doraha.
Napałochanaja žančyna pieraviała varažbitcy ŭsio, što ŭ jaje było — bolš za 59 tysiač biełaruskich rubloŭ. Ale hetaha nibyta chapała tolki dla taho, kab pačać pracu, a kab davieści da kanca — treba bolš.
Tady minčanka, nie viedajučy, dzie jašče znajści bujnuju sumu, padzialiłasia svaimi pieražyvańniami z synam, i jon zdoleŭ pierakanać maci, što jaje prosta padmanuli ašukancy.
Ciapier Śledčy kamitet zavioŭ kryminalnuju spravu pa č. 4 art. 209 (machlarstva, ździejśnienaje ŭ asabliva bujnym pamiery) Kryminalnaha kodeksa Respubliki Biełaruś. Ciapier ustanaŭlivajucca asoby, jakija majuć dačynieńnie da złačynstva.