Minčanka chacieła viarnuć kradzienyja błohieram hrošy i źviarnułasia da jurystaŭ. Tyja taksama akazalisia machlarami
U milicyju źviarnułasia žycharka stalicy, jakaja paviedamiła, što stała achviaraj machlaroŭ. Minčanka raspaviała, što ŭ instahramie ŭbačyła rekłamu błohiera, jakaja abiacała dapamahčy zarabić na biržy kryptavaluty.
Žančynu zapeŭnili, što dapamohuć vyhadna ŭkłaści jaje najaŭnyja ŭ virtualnuju valutu. Minčanka nie zmahła ni zarabić, ni viarnuć układzienyja 3000 rubloŭ, paviedamlaje telehram-kanał «Milicyja Minska».
Tady jana vyrašyła źviarnucca da jurysta. U internecie jana znajšła abjavu ad jurydyčnaj arhanizacyi i adhuknułasia na jaho.
Z žančynaj źviazalisia praź miesiendžar i paviedamili, što dapamohuć viarnuć hrošy biaspłatna. Zapłacić pryjdziecca tolki paśla taho, kali hrošy pastupiać da jaje na rachunak.
Minčanku pierakanali adkryć novy kašalok na zamiežnaj płatformie i trochi papoŭnić jaho, kab była mahčymaść apłacić pracent za vyvad srodkaŭ.
Pra toje, što jana znoŭ stała achviaraj machlaroŭ, paciarpiełaja zrazumieła, kali čarhovy raz vyvad srodkaŭ nie adbyŭsia z-za pryčyn, jakija prydumlali afierysty. Ahulnaja suma škody skłała bolš za 8000 rubloŭ.
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr3
Kamientary