Machlary mižnarodnaha koł-centra padmanuli ludziej na miljon jeŭra. Zatrymańni pravodzilisia ŭ Małdovie, Rumynii i Ukrainie
Ukrainskija, małdoŭskija i rumynskija pravaachoŭniki likvidavali dziejnaść machlarskaha koł-centra, udzielniki jakoha vymańvali ŭ hramadzian hrošy, piša «Ukrainskaja praŭda» sa spasyłkaj na palicyju.
![](http://nashaniva.com/img/w840d4webp1/photos/z_2024_08/pol240813-ox9rj.jpg.webp)
Na terytoryi Respubliki Małdova zatrymali 12 udzielnikaŭ arhanizavanaj złačynnaj hrupy, siarod jakich dvoje ŭkraincaŭ. U ašukanskich koł-centrach pracavała kala 400 najomnych rabotnikaŭ.
Zhodna z raspracavanaj ašukanskaj schiemaj, jakaja funkcyjanavała z 2021 hoda, afierysty praz abjavy ŭ internecie prapanoŭvali paciarpiełym, pieravažna hramadzianam Rumynii, zrabić inviestycyi z abiacańniem biaśpiečnaha i chutkaha zarobku. Zhodna z małdaŭskim kryminalnym zakanadaŭstvam, zatrymanym pahražaje pakarańnie da 15 hadoŭ.
Niekalki hramadzian Ukrainy razam z pradstaŭnikami inšych dziaržaŭ zabiaśpiečvali pracu čatyroch koł-centraŭ sa štatnaj kolkaściu kala 400 čałaviek u Małdovie. Jany prapanoŭvali inviestavać srodki ŭ psieŭdabrokierskija prajekty i abiacali vysokija zarobki paśla ažyćciaŭleńnia nievialikich układaŭ.
U rekłamnych abjavach złamyśniki vykarystoŭvali vyjavy znakamitaściaŭ abo aficyjnyja łahatypy bujnych miascovych bankaŭ. Heta vyklikała ŭ patencyjnych paciarpiełych davier i dazvoliła padmanuć vialikuju kolkaść ludziej, adznačajuć u prakuratury.
Udzielniki arhanizavanaj złačynnaj hrupy prapanoŭvali ŭstalavać paciarpiełym na svaje telefony mabilnyja dadatki, jakija dazvalali im atrymać dostup da bankaŭskich rachunkaŭ paciarpiełych i pieravodzić ź ich hrošy.
7 žniŭnia pravaachoŭniki Ukrainy, Rumynii i Respubliki Małdova adnačasova praviali śpiecapieracyju pa likvidacyi dziejnaści ašukanskich koł-centraŭ.
Adbyłosia kala 70 pieratrusaŭ na terytoryi hetych krain u pamiaškańniach koł-centraŭ, u ofisnych budynkach, a taksama pa miescach pražyvańnia i aŭtamabilam fihurantaŭ. 9 z hetych pieratrusaŭ praviali va Ukrainie.
Pravaachoŭniki kanfiskavali bolš za 100 kampjutaraŭ, sistemnyja błoki, dziasiatki telefonaŭ, bankaŭskija karty, ahniastrelnuju zbroju, 10 aŭtamabilaŭ, a taksama kala 35 tys dalaraŭ ZŠA. U Kijevie ŭkrainskija pravaachoŭniki kanfiskavali kampjutarnuju techniku, srodki suviazi, a taksama kala 53 tysiač jeŭra.
U Rumynii «schiema» rasśledujecca ŭ 120 kryminalnych vytvorčaściach na asnovie 150 zajaŭ padmanutych asob. Ustanoŭlena, što złamyśniki padmanuli paciarpiełych na 1 200 000 jeŭra.
-
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju
-
«Kab być ź fizičnym śvietam na ty». Žurnalist Hałko, pierabraŭšysia z Ukrainy ŭ Polšču, pajšoŭ pracavać na stajniu
-
Biełarus zdoleŭ pierakanać sud, što jaho pryznali pahrozaj dla biaśpieki Polščy biespadstaŭna
Kamientary