У Суджы ўкраінскі журналіст спаліў асабістыя справы расійскіх ухілістаў
«Дапаможам грамадзянам, якія не хочуць ваяваць і паміраць за Пуціна, не даюць Пуціну сябе забіць».
19.08.2024 / 21:17
Скрыня з справамі ўхілянтаў. Скрын відэа: ButusovPlus / Telegram
Журналіст украінскага СМІ «Цензор.нет» Юрый Бутусаў размясціў у сваім канале відэа з аднаго з памяшканняў ваенкамата ў Суджы. У ім знаходзіцца шафа з дакументамі.
Адна са скрынь — з паказальнай назвай «Асобы, якія знаходзяцца ў вышуку праз ухіленне ад мерапрыемстваў, звязаных з выкананнем воінскага абавязку».
Як заўважае Бутусаў, гэта — «спіс разумных людзей» і заяўляе, што ён с калегамі знішчыць гэтыя асабістыя справы.
«Мы не дазволім расійскаму ваенкамату мець усю гэтую інфармацыю. Дапаможам грамадзянам, якія не хочуць ваяваць і паміраць за Пуціна, не даюць Пуціну сябе забіць. Дапаможам свядомым расіянам», —
кажа журналіст і потым паказвае, як спальвае дакументы.
З'явіліся спадарожнікавыя здымкі разбуранай газавымяральнай станцыі «Суджа»