З раніцы УСУ ўзялі ў палон у Курскай вобласці больш за 100 расійскіх вайскоўцаў і прасунуліся на 1-2 км — Сырскі
«У Курскай вобласці рухаемся далей», — напісаў у сваім тэлеграм-канале Уладзімір Зяленскі.
Ранейшыя кадры таго, як расійскія памежнікі здаюцца ў палон, пераход «Суджа» 6 жніўня 2024 года. Скрыншот відэа
Галоўнакамандуючы УСУ Аляксандр Сырскі паведаміў, што з пачатку серады ўкраінскія вайскоўцы ўзялі ў палон у Курскай вобласці больш за 100 расійскіх вайскоўцаў і прасунуліся на 1-2 кіламетры.
Ён таксама дадаў, што ў горадзе Суджа завяршылі «пошук і знішчэнне» праціўніка.
«У Курскай вобласці рухаемся далей. Ад аднаго да двух кіламетраў на розных участках з пачатку сутак. І яшчэ больш за 100 палонных расійскіх вайскоўцаў за гэты ж перыяд. Я ўдзячны ўсім, хто спрычыніўся. Гэта паскорыць вяртанне дадому нашых хлопцаў», — напісаў Зяленскі ў тэлеграм-канале.
Цяпер чытаюць
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары