Hałubcy z maładoj kapusty — recept

Tradycyja zavaročvać farš u kapusny list jość u roznych kuchniach śvietu. Tak, naprykład, na ŭschodzie raspaŭsiudžanaja dałma — tyja ž hałubcy, tolki ŭ vinahradnym liści. Varyjacyi hałubcoŭ u słavianskich kuchniach taksama roźniacca: niechta robić ich, vykarystoŭvajučy zamiest biełakačannaj savojskuju ci čyrvonuju kapustu. Siońnia my prapanujem kłasičny varyjant, jaki vy možacie adaptavać pad svaje ŭpadabańni.

24.08.2024 / 08:25

Fota: aniagotuje.pl

Kab zrabić hałubcy z maładoj kapusty, spatrebicca:

Jak hatavać:

  1. Advarycie rys da miakkaści ŭ padsolenaj vadzie pavodle instrukcyi. Hatovy adkładzicie ŭbok, kab jany astyvali.
  2. Abłupicie vialikuju cybulinu i narežcie jaje vielmi drobna. Absmažvajcie jaje na słabym ahni z adnoj stałovaj łyžkaj aleju kala 5—8 chvilin. Cybula pavinna stać źlohku prazrystaj i miakkaj.
  3. Kali ŭ vas nie farš, a miasa, to zdrabnicie jaho ŭ kuchonnym kambajnie siaredniaha pamieru.
  4. Usie inhredyjenty dla načynki składziecie ŭ adnu misku. Heta budzie: farš; pryhatavany i dobra asušany rys; smažanaja cybula; čajnaja łyžka soli, piercu, arehana i majaranu. Usio vielmi staranna pieramiašajcie.
  5. Padrychtujcie vialikuju i šyrokuju kastrulu. Zalicie vadoj da 1/3 jaje vyšyni. Uklučycie plitu.
  6. Liście kapusty možna abdać kipniem niekalkimi sposabami. Spačatku lepš vydalić nažom chrapku — ź siaredziny treba vyrazać pieraviernuty konus. Heta palehčyć praces źniaćcia liścia. Pakładzicie kapustu va ŭžo kipiačuju vadu vyrazanaj častkaj uniz. Praź dźvie chviliny pieraviarnicie kapustu i pačakajcie jašče 2-3 chviliny, pierš čym zdmyć pieršyja listy. Zdymajcie listy pa 2-3 za raz. Abkručvajcie hałubcy i zdymajcie nastupnyja listki.
  7. Kožny list maje toŭstuju žyłku pasiaredzinie. Vymać jaje varta akuratna (nie vielmi hłyboka, bo jość ryzyka, što načynka vypadzie). Možna prosta zrezać vostrym nažom častku, jakaja vystupaje.
  8. Pakładzicie ŭ ruku porcyju načynki pamieram z mandaryn (dla listoŭ bolšaha pamieru heta budzie prykładna 70-80 hram načynki). Źlohku prypluščycie jaho i pieraniasicie na list pobač z vyrazanaj žyłkaj. Zachilicie bakavicy lista ŭnutr. Ščylna zharnicie kapustu ad taŭściejšaj žyłki da krajoŭ lista.
  9. Sfarmujcie takim čynam usie hałubcy. Vylicie vadu z rondala. Na dno pakładzicie niekalki padranych listoŭ i tych, jakija byli zanadta małyja, kab zharnuć hałubcy (tady nižnija hałubcy nie buduć pryharać). Vykładzicie hałubcy adzin pobač ź inšym, zaŭsiody švom uniz. Peŭna, vy zrobicie dva ci navat try płasty.
  10. Zalicie hałubcy aharodninnym bulonam — prykładna 1,5 šklanki (abo ŭ krajnim vypadku prosta vadoj). Dadajcie ŭ bulon 500 mł tamatnaha sousu (možna vykarystoŭvać tamatnuju pastu, tady ŭ jaje treba dadać pa płoskaj čajnaj łyžcy soli, piercu, arehana, majaranu). Nakryjcie kastrulu. Daviadzicie hałubcy da kipieńnia, a zatym pamienšycie ahoń da nizka-siaredniaha. Kapusta ŭ hałubcach pavinna raźmiakčycca prykładna za 35 chvilin vareńnia.
  11. U kancy hatavańnia možna dadać płoskuju čajnuju łyžku sałodkaha piercu i žmieniu śviežanarezanaha kropu.

Jak pryhatavać hałubcy ŭ duchoŭcy:

Zahornutyja ŭ maładoje kapusnaje liście hałubcy vykładzicie adzin pobač z adnym u vialikuju žaratryvałuju formu (papiarednie vykładzicie dno formy parvanymi abo zanadta maleńkimi listami dla taho, kab zaharnuć hałubcy). Pastaŭcie maładyja hałubcy na siaredniuju palicu ŭ razahretuju da 180 hradusaŭ duchoŭku. Nakryjcie formu i zapiakajcie 40 chvilin (abo daŭžej, kali kapusta zanadta ćviordaja). Pa zakančeńni hetaha času palicie ich tamatnym sousam (ci tamatnaj pastaj z prypravami).

Pastaŭcie hałubcy z padliŭkaj nazad u duchoŭku i zapiakajcie bieź viečka kala 15 chvilin abo daŭžej (takaja ž tempieratura).

Padavajcie hałubcy jak samastojnuju stravu. Jašče ich vielmi smačna jeści z varanaj bulbaj. Na nastupny dzień jany buduć jašče lepšyja.

Lanivyja hałubcy — chutka i prosta

Sendvičy z zapiečanymi bakłažanami i čyrvonym piercam, kazinym syram, časnakom i bazilikam

Pasta z kabačkom i cybulaj-parejem — recept

Nashaniva.com