Беларусам сталі недаступныя буйныя гульнявыя парталы
З 23 жніўня ў карыстальнікаў з Беларусі і Расіі пачаліся праблемы з доступам да буйнога інтэрнэт-выдання аб відэагульнях IGN і платформе How Long To Beat для збору статыстыкі пра тое, колькі часу займае прагляд папярэдніх гульняў, паведамляе Devby.io.
26.08.2024 / 16:12
Пры пераходзе на сайт усплывае паведамленне пра памылку 403 (заблакаваны доступ). Абодвума сэрвісамі валодае амерыканская медыякампанія Ziff Davis.
Мадэратар How Long To Beat пацвердзіў на форуме сайта, што рашэнне было прынята мацярынскай кампаніяй.
«Прыносім прабачэнні за гэтую сітуацыю. Юрыдычная каманда нашай мацярынскай кампаніі прымусіла заблакаваць увесь трафік з Расіі, Беларусі і некаторых іншых краін. У нас няма права голасу ў гэтым пытанні», — адзначыў мадэратар.
Якіх яшчэ краін тычыцца гэта рашэнне, ён не ўдакладніў. Пры гэтым іншыя выданні Ziff Davis у беларусаў пакуль адкрываюцца без памылак.
Кампанія таксама валодае рэсурсам Eurogamer, GamesIndustry.biz і Rock Paper Shotgun.
Жыхары Нігерыі і ПАР зладзілі самы сапраўдны здзек з таксістаў эстонскай кампаніі
Расія канфіскавала ў Google больш за 100 мільёнаў даляраў на карысць сваіх прапагандыстаў
Кампанія Apple заблакавала доступ да адной са сваіх платформ для ўсіх кліентаў з Беларусі і Расіі