Кампанія Apple заблакавала доступ да адной са сваіх платформ для ўсіх кліентаў з Беларусі і Расіі
Кампанія Apple раптоўна апавясціла распрацоўшчыкаў кантэнту з Беларусі і Расіі, што цяпер ўсе рэкламныя інструменты буйной платформы Apple Search Ads для іх недаступныя. Што ад гэтага страчваюць беларусы?
Як піша тэлеграм-канал iOS Dev, Apple дасылае беларускім і расійскім кліентам лісты з інфармацыяй аб спыненні іх доступу да рэкламнай платформы Apple Search Ads.
У афіцыйным лісце кампаніі гаворыцца, што блакіроўка пачала дзейнічаць з 15 жніўня.
Прычына блакіроўкі дакладна не тлумачыцца, толькі згадваецца асноўны яе крытэр — краіна паходжання кліентаў. Іншыя краіны, акрамя Беларусі і Расіі, не называліся.
Apple Search Ads лічыцца платформай № 1 для рэкламы iOS-дадаткаў у краме App Store. Яна дае рэкламадаўцам па ўсім свеце магчымасць хуткага прыцягнення новых карыстальнікаў у абыход сур'ёзнай канкурэнцыі на рынку, а таксама абараняе іх брэнды і аўтарскія правы ад старонніх замахаў.
Платформа таксама дае кліентам падрабязную статыстыку і рэкамендацыі па паспяховым прасоўванні дадаткаў у App Store.
Усё гэта азначае, што беларускім распрацоўшчыкам дадаткаў для Apple цяпер будзе значна складаней канкураваць з гульцамі з іншых краін, а іх прадукты з большай доляй верагоднасці не ўбачаць карыстальнікі па ўсім свеце, што адчувальна адаб'ецца на іх прыбытку і магчымасці ствараць новыя дадаткі.
«Калі ты не ў гэтым спісе, то будзеш у другім». Як у Беларусі збіраюць подпісы за Лукашэнку13
Каментары
Не?
Правильные санкции, в точку.