Były vajskoviec, jaki zahubiŭ 13 čałaviek pry padpale kłuba, zamiest adbyvańnia 20 hadoŭ kałonii znoŭ pajšoŭ na vajnu
Rasijski vajskoviec Stanisłaŭ Ionkin, jaki ŭ listapadzie 2022 hoda ŭčyniŭ pažar u kłubie «Palihon» u Kastramskoj vobłaści sa šmatlikimi čałaviečymi achviarami, zaklučyŭ kantrakt ź Ministerstvam abarony Rasii i znoŭ pajšoŭ na vajnu, paviedamlaje Astra.
27.08.2024 / 22:26
Stanisłaŭ Ionkin
U sakaviku hetaha hoda Zachodni akruhovy vajskovy sud pryznačyŭ mužčynu 20 hadoŭ kałonii strohaha režymu.
U listapadzie 2022 Ionkin spravakavaŭ kanflikt z adnym z naviedvalnikaŭ kłuba i, žadajučy napałochać jaho, streliŭ z rakietnicy ŭ pavietra.
U kłubie paśla taho zaharełasia stol. Pažar tušyli piać hadzin, u ahni zahinuli 13 čałaviek, piać paciarpieli. Paśla strełu ŭ kłubie Ionkin praciahnuŭ stralać na vulicy.
Pierad tym Stanisłaŭ Ionkin udzielničaŭ u vajnie va Ukrainie. Tam jon byŭ paranieny, lačyŭsia ŭ špitali ŭ Astrachanskaj vobłaści, a paśla viarnuŭsia na radzimu ŭ Kastramskuju vobłaść.
Doŭhi čas Ionkin znachodziŭsia na balničnym i ŭ pačatku listapada 2022 hoda adpraviŭsia znoŭ u vajskovuju čaść dla prachodžańnia miedkamisii. Ale vypadak u kłubie «Palihon» zrabiŭ jaho viartańnie ŭ šychty rasijskaha akupacyjnaha vojska bolš pakručastym.
Były bajec PVK «Vahnier» atrymaŭ 23 hady za zabojstva — i praz 8 dzion znoŭ pajšoŭ na vajnu
Kolkaść niezadavolenych žyćciom rasijan skaraciłasia da histaryčnaha minimumu — «Levada-centr»
Padraździaleńnie rasijskaha śpiecnaza šukaje krymskaha tataryna dla achviaraprynašeńnia