U Rasii zaviali kryminalnuju spravu na śpiavačku Manietačku
Ułady ličać, što jana kiepska vykonvaje abaviazki zamiežnaha ahienta.
06.09.2024 / 16:40
Liza Manietačka. Skryn videa: etot_prus / YouTube
Prakuratura Maskvy zaviała kryminalnuju spravu ŭ dačynieńni da papularnaj śpiavački Manietački.
Lizavietu Hyrdymavu abvinavačvajuć u tym, što jana nie vykonvaje abaviazki zamiežnaha ahienta, a mienavita nie paznačaje ŭvieś svoj kantent płaškaj ab tym, što jana ŭniesienaja ŭ śpis zamiežnych ahientaŭ. Sankcyja hetaha artykuła praduhledžvaje da dvuch hadoŭ turmy.
Manietačku, jakaja paśla pačatku poŭnamaštabnaj vajny pakinuła Rasiju i asudziła ahresiju suprać Ukrainy, užo štrafavali za ŭchileńnie ad vykanańnia abaviazkaŭ zamiežnych ahientaŭ.
Niadaŭna Manietačka pabyvała na šou «O(b)suždajem», dzie raskazała pra svaje biełaruskija karani.
«U majoj babuli karani ź Biełarusi. I jana zaŭsiody heta padkreślivaje, lubić i zaŭsiody prosić pieradać heta i ŭdakładnić, što taksama da vas trochi naležym. Jana ŭsio žyćcio hetym hanaryłasia i mianie navučyła hetym hanarycca. Ja vas lublu. Vy adna z najlepšych nacyj na śviecie», — adznačyła śpiavačka.
Manietačka raskazała pra svaje biełaruskija karani
«Kałab vieku!» Manietačka źniała rolik pad chit niaviestki Łukašenki