«Kałab vieku!» Manietačka źniała rolik pad chit niaviestki Łukašenki
Chto vinavaty ŭ raspaŭsiudzie tvorčaści Hanny Siałuk na miljonnuju aŭdytoryju rasijskaj śpiavački?
Najpapularniejšaja rasijskaja śpiavačka Manietačka, jakaja paśla šyrokamaštabnaha ŭvarvańnia va Ukrainu źjechała z Rasii i trapiła ŭ śpis zabaronienych artystaŭ, źniała niečakany tyktok.
U roliku śpiavačka vychodzić da svaich padpisčykaŭ pad pieśniu «Biełaruskaja žonka» ŭ vykanańni mahiloŭskaha śpievaka Dźmitryja Azaranki. Pieśnia ŭschvalaje damastrojeŭski vobraz žonki, jakaja «rubit, siejet, pašiet, i nie žałujetsia dažie». «Biełaruskaja žonka» letaś naśmiašyła biełaruski internet, jak i jaje vykanaŭca, jaki biessaromna nachvalvaŭ aŭtarku słoŭ na dziaržaŭnym telebačańni.
«Biełaruskuju žonku» napisała samaja ŭpłyvovaja aŭtarka apošnich hadoŭ, dvojčy łaŭreatka «Pieśni hoda Biełarusi» — Hanna Siałuk, jakaja pa byccam by vypadkovym supadzieńni akazałasia jašče i niaviestkaj Łukašenki. Pieśni žonki Dźmitryja Łukašenki siońnia dajuć małaviadomym biełaruskim artystam bilet na estradu, a taksama — u padborku adbornaha kryndžu na šou «O(b)suždajem».
Mienavita viadoŭcy hetaha jutub-šou, biełaruskija błohiery Ivan Prus i Hleb Siamionaŭ, źjavilisia razam z Manietačkaj u roliku. Niekatoryja z fanataŭ śpiavački navat spačatku zbłytali jaje z doŭhavałosym Hlebam.
«Prabačcie, ja splu? Heta najlepšy kałab u śviecie?», «Kałab vieku!», «Jak hetyja suśviety sustrelisia?» — nie chavali svaich emocyj biełarusy ŭ kamientaryjach.
A ŭsio pačałosia z taho, što niadaŭna rasijskaja śpiavačka, u jakoj u tyktoku 3 miljony padpisčykaŭ, padpisałasia na akaŭnt šou «O(b)suždajem». «Dyk što, my ciapier siabry?».
Daviedajemsia pra heta, vidać, užo ŭ nastupnym vypusku hetaj zabaŭlalnaj biełaruskaj pieradačy.
Zusim niadaŭna ŭ šou «O(b)suždajem» źjaŭlałasia papularnaja rasijskaja muzykalnaja krytyca Hanna Vilenskaja, jakuju taksama załučyli da tvorčaści niaviestki Łukašenki.
«Tam nie nabirajecca navat na troječku ź minusam», — vyniesła tady Vilenskaja vyrak pieśni «Biełaruskaja žonka» Hanny Siałuk, źviarnuŭšy ŭvahu na pamyłki ŭ muzyčnaj harmonii i «zabaronienyja chady».
«Naša Niva» — bastyjon biełaruščyny
PADTRYMAĆ«Heta prosta ja i ŭsio». Błohier Hleb Siamionaŭ padzialiŭsia asabistym — pra adnosiny, siamju i ŭražańni ad hiej-kłubaŭ
Viadomy błohier nabyŭ kvateru ŭ Polščy — voś jak heta ŭ jaho atrymałasia
«Dałaś tiebie vot eta Polša, v RB zarpłata bolšie». Štučny intelekt napisaŭ prapahandyscki chit
Bondarava paprasiła prabačeńnia za Siałuk, ale zrabiła heta biez naležnaj pavahi
Druhi hod zapar na «Pieśni hoda Biełarusi» pieramahła niaviestka Łukašenki
Apazicyja prapanuje hałasavać suprać usich, ale dapuskaje źmienu taktyki bližej da vybaraŭ32
Apazicyja prapanuje hałasavać suprać usich, ale dapuskaje źmienu taktyki bližej da vybaraŭ
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki3737
Kamientary
https://i.ibb.co/svhw2Qk/ohrana-Celyk.png
nu i mozhi zaodno...