Pieradvybarčy štab Trampa pierabłytaŭ štat Džordžyja z Hruzijaj
Pieradvybarčy štab Donalda Trampa ŭ pieradvybarčym paviedamleńni ŭ fejsbuku, aryjentavanym na žycharoŭ Džordžyi, vykarystaŭ fatahrafiju z Hruzii.
24.09.2024 / 08:26
Donald Tramp. Fota: Curtis Means / AP
Na kurjoznuju publikacyju źviarnuła «Mieduza».
Rekłamnaja kampanija ŭ Džordžyi startavała ŭ minułyja vychodnyja, 21—22 vieraśnia. Paviedamleńnie, adrasavanaje miascovym respublikancam, supravadžałasia fatahrafijaj hornaha piejzažu z zaklikam «Rehistrujsia, kab hałasavać za Trampa».
Vykarystanuju fatahrafiju možna znajści ŭ fotabanku Shutterstock. U tehach da apisańnia zdymka skazana, što heta hruzinski rehijon Svaniecija.
U anhlijskaj movie nazvy amierykanskaha štata Džordžyja i krainy Hruzii pišucca adnolkava — Georgia.
Tramp zajaviŭ, što kali prajhraje, nie budzie bałatavacca ŭ 2028 hodzie
Raźlacieŭsia fejk, byccam Tejłar Śvift straciła 17 miljonaŭ padpisčykaŭ, bo nie padtrymała Trampa