U Litvie raskryli machlarskuju schiemu: pierakładčyki padkazvali zamiežnikam pravilnyja adkazy na vadzicielskim ekzamienie
Pierakładčykaŭ unieśli ŭ čorny śpis, a ich klijentam anulavali paśviedčańni kiroŭcaŭ.
25.09.2024 / 20:35
Ilustracyjnaje fota. Skryn videa: regitraLTvideo / YouTube
Ludzi, jakija pretendujuć na atrymańnie paśviedčańnia kiroŭcy ŭ Litvie, mohuć zdać tearetyčny ekzamien na troch movach: litoŭskaj, anhlijskaj i ruskaj. Kali čałaviek nie vałodaje ni adnoj ź ich, jon moža pryjści razam ź pierakładčykam. I voś hetaja akaličnaść, jak piša LRT.lt, stvaryła mahčymaść dla machlarstva.
Jak vyjaviłasia, pierakładčyki nie tolki pierakładali ekzamienacyjnyja pytańni, ale i dyktavali svaim klijentam pravilnyja adkazy.
Pa infarmacyi supracoŭnika Regitra (litoŭskaha anałahu biełaruskaha MREA DAI), adkaznaha za praduchileńnie karupcyi, takoj niezakonnaj dziejnaściu zajmalisia čatyry čałavieki. Jany pierakładali na tureckuju, azierbajdžanskuju i arabskuju movy.
Regitra uniesła hetych ludziej u svoj čorny śpis, a ich klijentam (28 čałaviek) anulavała paśviedčańni.
Pradstaŭnica Regitra pa suviaziach z hramadskaściu raskazała žurnalistam, što paśpiachovaść zdačy tearetyčnaha ekzamienu składaje trochi vyšej za 40%. Siarod zamiežnikaŭ, jakija zdajuć ekzamien z pierakładčykam, jana vyšej za 50%.
Regitra abiacaje ŭ dalejšym bolš uvažliva sačyć za situacyjaj na ekzamienach i navat źbirajecca prapanavać źmieny ŭ zakanadaŭstva. Jakija kankretna, pakul nieviadoma.
Jak zamianić biełaruskaje paśviedčańnie kiroŭcy na polskaje ci litoŭskaje
Ci možna atrymać paśviedčańnie kiroŭcy biez vučoby ŭ aŭtaškole? Voś što adkazali ŭ DAI
Zamiena paśviedčańnia kiroŭcy ŭ Biełarusi. Što treba viedać
Chłopiec kupiŭ u internecie paśviedčańnie kiroŭcy, a zabirać jaho pajšoŭ u milicyju