Vypusknikam škoł, jaki atrymajuć nul bałaŭ na CE, dazvolać pierazdaču
Vypuskniki, jakija pravalili centralizavany ekzamien (CE), zmohuć pierazdavać jaho, paviedamiła na pres-kanfierencyi namieśnica načalnika Hałoŭnaha ŭpraŭleńnia ahulnaj siaredniaj i daškolnaj adukacyi — načalnica ŭpraŭleńnia ahulnaj siaredniaj adukacyi Minadukacyi Iryna Karžova.
17.10.2024 / 18:38
Fota ilustracyjnaje
U čynoŭnicy dla tych vypusknikoŭ, jakija nie atrymali nivodnaha bała na centralizavanym ekzamienie, dobryja naviny.
«Ciapier jany atrymlivajuć tolki daviedku ab navučańni. Atestat jany mohuć atrymać tolki na nastupny hod, prajšoŭšy vynikovuju atestacyju ŭ paradku eksternata», — adznačyła Iryna Karžova.
Ale kali ŭstupiać u siłu papraŭki ŭ Kodeks ab adukacyi, to situacyja źmienicca, i pierazdavać ekzamien dazvolać u žniŭni taho samaha hoda.
Inšaje novaŭviadzieńnie — dziesiacikłaśniki buduć zakančvać navučalny hod 25 maja, hetak ža sama jak dzieviacikłaśniki i adzinaccacikłaśniki.
«Dla vučniaŭ 10-ch kłasaŭ praduhledžanyja vučebna-palavyja zbory. Norma dazvolić pravodzić ich da 1 červienia, i letam chłopcy ŭžo zmohuć znachodzicca na vakacyjach», — patłumačyła Karžova.
Pakiet papravak u Kodeks ab adukacyi i inšyja zakony byŭ pryniaty ŭ pieršym čytańni ŭ pačatku kastryčnika Pałataj pradstaŭnikoŭ. Kab jon ustupiŭ u siłu, treba budzie prajści jašče šerah farmalnych pracedur.
Školnuju formu dla nastaŭnikaŭ u Biełarusi ŭvodzić nie płanujuć
Biełarusy paprasili całkam admianić papiarovyja školnyja dziońniki. Minadukacyi suprać
Školnikaŭ u Mazyry navučajuć na apierataraŭ bieśpiłotnikaŭ dla armii