Biełarusy paprasili całkam admianić papiarovyja školnyja dziońniki. Minadukacyi suprać
Na partale «Zručny horad» źjaviłasia pietycyja: baćki vučniaŭ prosiać całkam admianić papiarovyja školnyja dziońniki. Biełarusy, jakija padpisali pietycyju, ličać papiarovy dziońnik sastarełaj praktykaj.
Aktyvisty prosiać uvieści abaviazkovaje vykarystańnie va ŭsich navučalnych ustanovach krainy elektronnych dziońnikaŭ.
«Na siońniašni dzień papiarovyja dziońniki ŭjaŭlajuć saboj sastareły instrumient, jaki nie tolki niazručny, ale i stvaraje dadatkovyja ciažkaści dla ŭsich udzielnikaŭ adukacyjnaha pracesu», — havorycca ŭ pietycyi.
Ministerstva adukacyi dało na heta adkaz za podpisam namieśnika ministra Alaksandra Kadłubaja, piša Blizko.by.
U dakumiencie skazana, što narmatyŭnymi pravavymi aktami Minadukacyi tolki dapuskajecca vykarystańnie elektronnaha dziońnika, a najaŭnaść papiarovaha źjaŭlajecca abaviazkovym.
Taksama paviedamlajecca, što ciapier idzie raspracoŭka «Elektronnaj škoły», jakaja ŭklučyć u siabie i servis elektronnych dziońnikaŭ. I adno tolki paśla hetaha pa ŭzhadnieńni škoły i baćkoŭ źjavicca mahčymaść vykarystańnia tolki elektronnych abo tolki papiarovych dziońnikaŭ.
Dźmitryjeŭ prosić viarnuć pasłoŭ u Minsk. «Sankcyi bjuć pa ludziach, a nie pa ŭładzie»5
Dźmitryjeŭ prosić viarnuć pasłoŭ u Minsk. «Sankcyi bjuć pa ludziach, a nie pa ŭładzie»
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami99
Kamientary
Biudžetny nibyta nastaŭnik - pasłuhač režymu
Tonnu padručnikaŭ nasić taksama nia treba. Usie moža być u płanšecie. U pryvatnych škołach tak i było. Pakul dziaciej na vulicu nia vykinuli.