Nastaŭniki ŭ Biełarusi pavinny prytrymlivacca dziełavoha stylu adzieńnia, ale pra adzinuju formu dla ich havorka pakul nie idzie, piša «Smartpres».
«Nichto nie admianiaŭ dziełavy styl adzieńnia dla nastaŭnika. Piedahoh u tym liku i źniešnim vyhladam pavinien vychoŭvać vučnia», — zajaviła namieśnica načalnika Hałoŭnaha ŭpraŭleńnia ahulnaj siaredniaj i daškolnaj adukacyi — načalnica upraŭleńnia ahulnaj siaredniaj adukacyi Minadukacyi Iryna Karžova na pres-kanfierencyi 17 kastryčnika.
Jana nahadała, što zahadam ministra adukacyi zaćvierdžanyja praviły dla piedahohaŭ, dzie havorka idzie nie pra formu dla ich, a tolki pra dziełavy styl adzieńnia. Adkazvajučy na pytańnie, čamu ŭ školnikaŭ jość školnaja forma, a ŭ nastaŭnikaŭ niama, Karžova zajaviła, što «ŭ nas niama školnaj formy, jak heta było ŭ savieckija časy».
Havorka, pavodle jaje, «nie pra školnuju formu, a pra školnaje adzieńnie dziełavoha stylu. I dadziena prava kožnaj ustanovie adukacyi vyznačać hetaje adzieńnie».
Što da vučniaŭ, to norma ab školnaj vopratcy dla ich pakul rehulujecca rekamiendacyjnymi listami, ale płanujecca dapoŭnić Kodeks ab adukacyi normaj ab abaviazku vučniaŭ nasić adzieńnie dziełavoha stylu na ŭsich zaniatkach, za vyklučeńniem fizkultury i pracy.
U maładziečanskaj himnazii ŭviali adzinuju formu dla nastaŭnikaŭ
U Minsku prezientavali adzinuju formu dla staličnych školnikaŭ. Nu i jak vam?
Ci dapuściać dzicia da zaniatkaŭ biez školnaj formy? Voś što adkazali ŭ Minadukacyi
«Strašna, što moža apuścicca žaleznaja zasłona». Minskija padletki raskazali pra svajo žyćcio ŭ ciapierašniaj Biełarusi
Siamja Pratasievičaŭ praśpiavała «Viecier pieramien». Jak sioleta śviatkavali vypusknyja
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj14
Kamientary