Stała viadoma, kali buduć uručać premiju Ježy Hiedrojcia
Cyrymonija ŭznaharodžańnia litaraturnaj premijaj imia Ježy Hiedrojcia projdzie ŭ Hdańsku 26 listapada, paviedamlaje Biełaruski PEN. Žury vyznačyć try najlepšyja biełaruskija knihi, napisanyja ŭ žanry mastackaj abo dakumientalnaj prozy i vydadzienyja ŭ 2023 hodzie.
01.11.2024 / 20:39
Fota z archiva Litaraturnaha Instytuta (Instytut Literacki)
Taksama ŭ miežach premii 25 i 26 listapada ŭ Jeŭrapiejskim centry Salidarnaści (plac Solidarności 1) buduć arhanizavanyja sustrečy ź biełaruskimi aŭtarami, vystava, knižny kirmaš i jašče šmat čaho cikavaha. Padrabiaznuju prahramu arhanizatary abiacajuć apublikavać nieŭzabavie.
Śpisy knih, naminavanych u 2024 hodzie, hladzicie pa spasyłcy.
Premija Ježy Hiedrojcia — najbujniejšaja niezaležnaja litaraturnaja premija Biełarusi, jakaja ŭručajecca štohod z 2012 hoda za najlepšuju knihu prozy ŭ papiarednim hodzie na biełaruskaj movie.
Arhanizatarami konkursu Litaraturnaj premii imia Ježy Hiedrojcia źjaŭlajucca Abjadnańnie «Biełaruski PEN», Asacyjacyja «Mižnarodny sajuz biełaruskich piśmieńnikaŭ», pry padtrymcy Ambasady Respubliki Polšča i Polskaha Instytuta ŭ Minsku.
Staŭ viadomy šort-list litaraturnaj Premii Ježy Hiedrojcia. Chto trapiŭ u vynikovuju šaściorku?
Abvieščany doŭhi śpis naminantaŭ na premiju imia Ježy Hiedrojcia ŭ 2024 hodzie
Abvieščany poŭny śpis premii Hiedrojcia
Premija Hiedrojcia raspačynaje novy siezon