Abvieščany doŭhi śpis naminantaŭ na premiju imia Ježy Hiedrojcia ŭ 2024 hodzie
Sioleta žury hałoŭnaj biełaruskaj litaraturnaj premii pačało pracu ŭ žniŭni, kab tradycyjna ŭ listapadzie abviaścić, jakaja kniha prozy stała najlepšaj za minuły hod, piša Biełaruski PEN. Pry hetym sioleta jość adno novaŭviadzieńnie.
Na etapie vyznačeńnia doŭhaha śpisu žury źviarnułasia da arhkamiteta premii z prapanovaj źmienšyć jaho:
«U źviazku ź nievialikaj kolkaściu vydadzienych u 2022—2023 hadach mastackich knih na biełaruskaj movie, vyklikanaj kryzisam knihavydańnia, i, adpaviedna, z krytyčna małoj roźnicaj pamiž kolkaściu pazicyj poŭnaha i doŭhaha śpisaŭ žury premii prapanuje skaracić kolkaść knih doŭhaha śpisu z dvanaccaci da dziesiaci.
Razam z tym hetaja kolkaść moža być i pavialičanaja da dvanaccaci ŭ vypadku palapšeńnia ahulnaj situacyi ŭ ajčynnym knihavydańni ŭ nastupnych siezonach».
Arhkamitet premii razhledzieŭ i pryniaŭ rašeńnie ŭchvalić zapyt žury.
Takim čynam, sioleta doŭhi śpis premii Hiedrojcia składajecca ź dziesiaci pazicyj:
«Treba ŭjavić Sizifa ščaślivym» — Valancin Akudovič (vydaviectva «Łohvinaŭ», 2023)
«Zabić upałminzaha» — Źmicier Bartosik («Radyjo Svabodnaja Eŭropa / Radyjo Svaboda», 2022)
«Ja tancuju» — Vika Biran (vydavieckaja inicyjatyva «Kasia na Parnasie», 2023)
«Hareźlivy pacałunak. Kniha druhaja» — Jeva Vajtoŭskaja (vydaviectva «Januškievič», 2023)
«Na pryźbie ŭ Siličach» — Maryja Vajciašonak (vydaviectva «Pflaŭmbaŭm», 2023)
«Žamiara: žanočyja historyi» — Alena Vieštort (vydaviectva «Alfa-kniha», 2023)
«Volniery. Pradvieście» — Valer Hapiejeŭ (vydaviectva «Januškievič», 2023)
«Kruhłaja Square: Iraničny žyćciapis čałavieka i impieryi» — Vał Klement (vydaviectva «Gutenberg Publisher», 2023)
«Śluńkoŭ. Palityčnaja bijahrafija» — Dzianis Marcinovič (vydaviectva «Januškievič», 2023)
«Čas pustaziella» — Hanna Jankuta (vydaviectva «Januškievič», 2023)
Ciapier čytajuć
Bližejšym časam buduć vyzvaleny bolš za 150 palitźniavolenych27
Kamientary