Грамадства

У Вільні пройдзе акцыя ў падтрымку Васіля Верамейчыка

Беларусы Вільні арганізуюць у пятніцу акцыю ў Вільні, каб падтрымаць экс-каліноўца Васіля Верамейчыка, які быў экстрадзіраваны з В'етнама ў Беларусь, а таксама выказаць пратэст супраць рашэння забараніць яму ўезд у Еўрапейскі Саюз (ЕС), піша LRT.

Мерапрыемства адбудзецца побач з офісам Еўрапейскай камісіі, паведаміла каманда лідэра беларускай апазіцыі Святланы Ціханоўскай.

Акцыя будзе накіравана на абарону гонару і жыцця беларуса, які змагаўся за Украіну.

«На дадзены момант Васіля Верамейчыка ўтрымлівае КГБ Лукашэнкі пасля таго, як Літва прызнала яго пагрозай нацыянальнай бяспецы і заблакавала яго ўезд у ЕС на 30 месяцаў. У Беларусі яму пагражае ад 20 да 25 гадоў пазбаўлення волі або нават смяротнае пакаранне», — гаворыцца ў паведамленні.

Каментары да артыкула