Pierastaŭ adkryvacca pryznany «ekstremisckim» sajt Grodno.in
Sajt Grodno.in, kantent jakoha sud Leninskaha rajona Hrodna napiaredadni pryznaŭ «ekstremisckimi materyjałami», 24 śniežnia pierastaŭ adkryvacca jak u Biełarusi, tak i pa-za jaje miežami.
24.12.2024 / 16:49
Učarašni skrynšot z sajta Grodno.in
Vierahodna, sajt spyniŭ pracu, pierajści na jaho niemahčyma navat z dapamohaj VPN. Na karyść hetaj viersii havoryć i toje, što ŭsie źviazanyja z prajektam staronki ŭ sacyjalnych sietkach pierastali abnaŭlacca 23 śniežnia.
Viasnoj hetaha hoda Grodno.in ustupiŭ u kanflikt ź viadomaj hrodzienskaj danosčycaj Volhaj Bondaravaj, jakaja ŭ svaim telehram-kanale rabiła zakidy, nazyvajučy kanał «ekstremisckim», choć takoha statusu vydańnie tady nie mieła. Žurnalisty padavali na Bondaravu ŭ sud, ale sprava da jaho tady nie dajšła — baki damovilisia praź miedyjatara. Danosčycy pryjšłosia publična abviarhać adzin sa svaich pastoŭ.
Ciapier ža, praz bolš čym paŭhoda paśla taho vypadku, hety status vydańnie «dahnaŭ», i Bondarava z hetaha publična ciešyłasia, nie chavajučy, što sama prykłała da hetaha ruku.
Pryznali «ekstremisckim» sajt Grodno.in, jaki raniej zmusiŭ prabačacca Bondaravu
Stała viadoma, za što hrodzienskaje vydańnie paciahnuła ŭ sud Volhu Bondaravu
Na Volhu Bondaravu padali ŭ sud
Na Bondaravu znoŭ padali ŭ sud. Chto na hety raz?
Bondarava zajaviła, što vyjhrała sud. I zaklajmiła tych, chto ŭsadziŭ joj nož u śpinu