Stała viadoma, za što hrodzienskaje vydańnie paciahnuła ŭ sud Volhu Bondaravu
Pra toje, što stała pryčynaj pretenzij da jaje, napisała sama Bondarava ŭ svaim telehram-kanale.
Pavodle viadomaj danosčycy, pryčynaj sudovaha pazovu da jaje stała raźmiaščeńnie joj 12 studzienia 2024 hoda paviedamleńnia pra vystavu niaŭhodnaha joj mastaka.
Bondarava ŭ dopisie źviartała na toje, što rekłamu pra vystavu «apublikavali roznyja sajty i kanały (u tym liku ekstremisckija)», i ź jaje skrynšotaŭ vynikała, što «ekstremisckim» źjaŭlajecca sajt Grodno.in, jaki takim pakul nie pryznavali. Za heta vydańnie i padało na danosčycu ŭ sud.
Adnosna vyniku suda, jaki mieŭ adbycca siońnia, Bondarava ničoha nie piša, ale svoj pieršasny post skarektavała. Ciapier skrynšot sa zhadkaj Grodno.in z dopisu vydaleny, a akcent robicca na publikacyi Reform.by — niezaležnaha vydańnia, jakoje na toj momant taksama nie było pryznana łukašystami «ekstremisckim», choć i było zabłakavana na terytoryi Biełarusi.
Taksama Bondarava napisała: «Ja daju dazvoł TAA «HrodnaIn» repościć hetaje paviedamleńnie stolki razoŭ i tym ludziam, kamu ŭ hetaj kampanii paličać patrebnym heta zrabić».
Z usiaho hetaha možna mierkavać, što sud jana prajhrała i była abaviazanaja niejkim čynam pierad vydańniem «zahładzić vinu».
Na Volhu Bondaravu padali ŭ sud
«Davajcie jašče hulać u cełak». Bondarava nazvała Prydybajłu zadniepryvadnym łabistam pałavych devijacyj
«Vušami ŭ nas nie kormiać». Bondarava ciapier vajuje ź dziećmi: pahražaje im prastralanymi kaleniami i HUBAZiKam
Žyhimont i Bondarava źvinavacili Tura ŭ ideałahičnaj dyviersii
Ciapier čytajuć
Što Babaryka i Kaleśnikava adkazali na pytańni pra vajnu100
Kamientary
A muž, po -vidimomu, objełsia hruš)
Vozit jejo rieśpiektabielnyj muŝinka na Avdi A2 s połu krasivym nomierom....