Bondarava zajaviła, što vyjhrała sud. I zaklajmiła tych, chto ŭsadziŭ joj nož u śpinu
Danosčyca śćviardžaje, što vyjhrała praces u «Fłahman Mjuzik» — centra, jaki pradziusiruje papularnych błohieraŭ.
Volha Bondarava raskazała, što vyjhrała sudovy praces pa pazovie «Fłahman Mjuzik».
Pradziusarski centr prasiŭ sud abaranić jahonuju dziełavuju reputacyju, adnak sudździa zaniaŭ bok Bondaravaj. Padrabiaznaści spravy nie paviedamlajucca. Viadoma tolki, što danosčyca krychu raniej šukała advakata, jaki dapamoža joj biaspłatna.
Bondarava ŭ svaim telehram-kanale padziakavała čamuści kazakam, zajaviła, što jaje sprava, ni mnoha ni mała, «abjadnała baćkoŭ Biełarusi, Rasii i Danbasa» i što jaje «padtrymlivali pravasłaŭnyja, katalickija, iudziejskija vierniki i śviatary». A taksama zaklajmiła tych, chto «paśpiašaŭsia ŭsadzić joj nož u śpinu».
«Fłahman Mjuzik» — heta centr, jaki zajmajecca pradziusiravańniem papularnych błohieraŭ. Siarod ich — Dźmitryj Siŭčyk, viadomy pad psieŭdanimam Dzim Dzimyč.
Siŭčyk — vielmi časty hość u telehram-kanale Bondaravaj. Danosčyca abvinavačvaje jaho ŭ «ŁHBT-prapahandzie» i prapahandzie niapravilnych, na jaje dumku, pavodzin. Bondarava navat pisała na błohiera danosy ŭ administracyju Łukašenki i Minkult, ale čynoŭniki hetyja zvaroty faktyčna praihnaravali.
Miarkujučy pa ŭsim, vajnu ź Dzim Dzimyčam i jahonymi kalehami Bondarava maje namier praciahnuć — jana aktyŭna repościć zakliki svaich prychilnikaŭ da poŭnaj zabarony hetych dziciačych błohieraŭ.
Na Bondaravu padavali ŭ sud nie ŭpieršyniu: dziełavuju reputacyju raniej mieŭ namier abaranić hrodzienski partał Grodno.in. Tady sprava da suda nie dajšła — baki damovilisia praź miedyjatara. Danosčycy pryjšłosia publična abviarhać adzin sa svaich pastoŭ.
Na Bondaravu znoŭ padali ŭ sud. Chto na hety raz?
Biasstrašnaja Volha Bondarava najechała na Łukašenku za jaho vystup na paradzie
Bondarava pabačyła niedachop patryjatyzmu ŭ arhanizacyi, jakoj kiruje Viktar Łukašenka
Bondarava paprasiła prabačeńnia za Siałuk, ale zrabiła heta biez naležnaj pavahi
Bondarava stukała ŭ KDB na Varanicu z «Biełaj Rusi»
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku45
Kamientary