Праваахоўнікі ўжылі слезацечны газ супраць прыхільнікаў еўраінтэграцыі на акцыі каля Кабінета міністраў у панядзелак у Кіеве.
Калона мітынгоўцаў, прыбыўшы з Еўрапейскай плошчы да будынка Кабінета міністраў, пачала блок-пікет.
Каля тысячы дэманстрантаў на чале з народнымі дэпутатамі з апазіцыйных фракцый трымаюць плакаты: «Юлі — волю», «Украіна — у Еўрасаюз». Мітынгоўцы выкрыкваюць: «Ганьба», «Урад Азарава ў адстаўку».
Будынак КМУ ачэплены супрацоўнікамі міліцыі і спецназа. У 09.55 (10:55 па Мінску) пад Кабінетам міністраў адбылася бойка.
Пры выездзе адной з урадавых машын з тэрыторыі дома Урада, мітынгоўцы спрабавалі спыніць яе. Спецназаўцы спрабавалі адціснуць натоўп, адбылася невялікая бойка, у якой дэманстранты сарвалі некалькі шлемаў.
У гэты момант «Беркут» спрабуе выцесніць людзей на праезную частку. Праваахоўнікі ўжылі супраць мітынгоўцаў слезацечны газ.
