У пастэрызаваным малацэ і сасісках з Беларусі выявілі кішэчную палачку, паведаміў Рассельгаснагляд.
Супрацоўнікамі ўпраўлення ведамства па Цвярской і Пскоўскай абласцях былі адабраны пробы малака пітнога пастэрызаванага 3,2% вытворчасці ААТ «Мінскі малочны завод № 1». Тавар паступіў праз пункт перасячэння дзяржаўнай мяжы Расійскай Федэрацыі на расійска-беларускім участку, размешчаныму вёсцы Далосцы Себежскага раёна Пскоўскай вобласці. 2,2 тоны грузу суправаджаліся ветэрынарным сертыфікатам Мытнага саюза. Пры правядзенні лабараторных даследаванняў проб малака ў цвярской ветэрынарнай лабараторыі выяўлены бактэрыі групы кішэчнай палачкі.
Таксама не адпавядаюць нарматыўна-тэхнічнай дакументацыі сасіскі мясныя «Малочныя смачныя» ахалоджаныя вытворчасці ААТ «Магілёўскі мясакамбінат». Тавар агульнай вагой 3,6 тоны паступіў праз пункт перасячэння на расійска-беларускім участку мяжы ў вёсцы Лабок Невельскага раёна Пскоўскай вобласці ў складзе партыі каўбасных вырабаў і вэнджаніны, якая суправаджалася ветэрынарным сертыфікатам Мытнага саюза. Пры правядзенні лабараторных даследаванняў проб прадукцыі таксама былі выдзеленыя бактэрыі групы кішэчнай палачкі і ўстаноўлена перавышэнне колькасці мезафільных аэробных і факультатыўна-анаэробных мікраарганізмаў (КМАФАнМ). Як адзначылі ў Рассельгаснаглядзе, высокае ўтрыманне КМАФАнМ у прадуктах харчавання можа прывесці да харчовага атручэння рознай ступені цяжкасці, энтэрыту, энтэракаліту ў спалучэнні з сіндромам агульнай інтаксікацыі, якi ўяўляе небяспеку для здароўя чалавека.
У ведамстве заявілі, што робяцца захады па спыненні абароту названых партый небяспечнай прадукцыі.
Каментары