Кіраўніцтва справамі прэзідэнта (КСП) апошнім часам актыўна развівае фармацэўтычны бізнэс. Гэтая сфера дзейнасці была ў полі зроку КСП і раней, але цяпер выведзена ў асобнае падраздзяленне, сведчыць сайт КСП.
На базе тураператара «ЦэнтрКурорт» утвораны філіял «ЛекаЦэнтр». Яго асноўнымі відамі дзейнасці з'яўляецца аптовы і рознічны гандаль лекамі, вырабамі медыцынскага прызначэння і спадарожнымі таварамі (касметычнымі, парфумернымі таварамі, дзіцячым асартыментам і сродкамі гігіены). Аптовае падраздзяленне філіяла закупляе прэпараты беларускай і імпартнай вытворчасці (Еўропа, ЗША, Расія).
У цяперашні час гандлёвая структура філіяла «ЛекаЦэнтр» складаецца з аптэчнага склада і 21 аптэкі рознай катэгорыі. Большая іх частка базуецца ў Мінску.
Ліцэнзія на права ажыццяўлення фармацэўтычнай дзейнасці была выдадзена КСП яшчэ ў 2004 годзе. Але раней аптэкі былі на тэрыторыі аздараўленчых комплексаў, санаторыяў, гатэляў, якія ўваходзяць у сістэму КСП. Цяпер шмат аптэк месціцца ў гандлёвых цэнтрах.
«ЛекаЦэнтр» яшчэ не ўваходзіць у лік 10 найбуйнейшых аптэчных сетак Беларусі. Але патэнцыял і рэсурс для гэтага ў іх, вядома, ёсць, сказаў удзельнік рынку.
Па словах інфармаванага суразмоўцы, ужо больш за год вядзецца структураванне бізнэсаў такога рознапрофільнага холдынгу, як КСП. «Тое, што раней здавалася пабочным звяном, цяпер атрымлівае новы імпульс для развіцця. Тое, што было занадта грувасткім, наадварот, кансалідуецца. У прынцыпе, нармальныя бізнэс-працэсы. У свой час [кіраўнік Ашчадбанка Расіі Герман] Грэф паставіў задачу «навучыць слана (гэта значыць, давераны яму найбуйнейшы Дзяржбанк РФ) танцаваць». Прыкладна такая ж задача стаіць перад [кіраўніком спраў прэзідэнта Віктарам] Шэйманам», — сказала крыніца.
Атрымаць каментар у «ЛекаЦэнтры» не ўдалося.
Лукашэнка прызнаў, што мае патрэбу ў адпачынку і што вялікая колькасць людзей яго праклінае57
Каментары