Чавес не з'явіўся на інаўгурацыю з-за хваробы

Апазіцыя Венесуэлы патрабуе новых выбараў.

Урад Венесуэлы заявіў, што Уга Чавес можа пачаць свой новы шасцігадовы прэзідэнцкі тэрмін у чацвер, нават калі ён занадта хворы, каб прысутнічаць на цырымоніі інаўгурацыі.

Віцэ-прэзідэнт краіны Нікалас Мадура кажа, што Вярхоўны суд можа прывесці Чавеса да прысягі пазней. Ён таксама адхіліў заклікі апазіцыі правесці новыя выбары, у выпадку, калі Уга Чавес не наведае цырымонію інаўгурацыі.

Цяпер Чавес знаходзіцца на Кубе, дзе яго чацвёрты прааперавалі з-за рака. Пасля аперацыі, якую правялі больш за тры тыдні таму, ён не з’яўляўся на публіцы.

Аглядальнікі выказваюць розныя меркаванні адносна таго, што азначае няяўка Чавеса на сваю інаўгурацыю.

Некаторыя прадстаўнікі апазіцыі заявілі, што адсутнасць Чавеса на цырымоніі ўступлення на пасаду, можна трактаваць як «абсалютную адсутнасць» прэзідэнта ў краіне.

У гэтым выпадку канстытуцыя прадугледжвае, што вярхоўная ўлада павінна перайсці да спікеру парламента і на працягу 30-ці дзён варта правесці новыя выбары.

Аднак віцэ-прэзідэнт Мадура ў чацвер заявіў, што фіксаванага тэрміну для прывядзення да прысягі не існуе, і няма ніякіх прычын для аб’явы «абсалютнай адсутнасці» прэзідэнта на пасадзе.

Урад Венесуэлы заявіў, што 58-гадовы Чавес пакутуе ад ускладненняў, выкліканых сур’ёзнай лёгачнай інфекцыяй, якая з’явілася пасля апошняй аперацыі.

У кастрычніку ён быў пераабраны на чацвёрты прэзідэнцкі тэрмін.

Каментары да артыкула