У пасольстве Венесуэлы ў Мінску адкрыта кніга спачуванняў
Пакінуць свае спачуванні ў сувязі са смерцю прэзідэнта Угі Чавэса можна ў сераду з 12.00 да 18.00, у чацвер з 10.00 да 13.00 і з 14.00 да 18.00. Пасля выхадных кніга будзе адкрыта яшчэ ў панядзелак і аўторак.
У пасольстве пакуль не вызначыліся, ці будуць у Мінску праводзіцца іншыя жалобныя мерапрыемствы.
Пасольства Баліварыянскай Рэспублікі Венесуэла месціцца на вул. Куйбышава, 14.
Нагадаем, Уга Чавэс памёр 5 сакавіка ў 23.55 па беларускім часе пасля працяглай хваробы — у яго быў рак.