Чэкісты прапаноўваюць сустрэцца чарговаму студэнту‑каліноўцу
Капітан КДБ сказаў яму, што падобныя сустрэчы праводзяцца з усімі беларускімі грамадзянамі, якія часта ці падоўгу выязджаюць за мяжу.
Чэкіст паведаміў пра сваё жаданне пагутарыць са студэнтам і прапанаваў наведаць таго проста па хатнім адрасе хвілін праз 10. Тэлефонны суразмоўца Данілы Пажарава абачліва паабяцаў паказаць сваё службовае пасведчанне, а таксама дадаў, што размова не будзе тычыцца праграмы Каліноўскага.
Чэкіст паведаміў, што гутарка будзе тычыцца пытанняў дзяржаўнай бяспекі. Яшчэ капітан Якаўлеў сказаў, што падобныя сустрэчы праводзяцца з усімі беларускімі грамадзянамі, якія часта ці падоўгу выязджаюць за мяжу.
Даніла Пажараў адмовіўся сустракацца з чэкістам — прынамсі, да таго моманту, покуль не пракансультуецца з юрыстам.