Расійскія дэпутаты прапанавалі павялічыць падатак для тых, хто не служыў у войску
Дэпутаты расійскай Дзярждумы ўнеслі законапраект аб павялічэнні падаходнага падатку для мужчынаў, якія не праходзілі службу ў войску, паведамляюць расійскія СМІ.
На сённяшні дзень яго памер складае 13%, аднак законапраект прапануе павялічыць памер падатка да 20% для мужчынаў, якія не праходзілі тэрміновую службу ў войску.
Самі дэпутаты тлумачаць, што такія захады дапамогуць павысіць аўтарытэт арміі ў грамадстве.
Заўвагі і прапановы па гэтым законапраекце будуць прымацца да 21 чэрвеня. Ці прадугледжвае законапрект дыферэнцыяцыю тых, хто не служыў, і ці падпадаюць пад яго дзеянне не прыдатныя да службы паводле медыцынскіх паказчыкаў, пакуль не паведамляецца.