Rasijskija deputaty prapanavali pavialičyć padatak dla tych, chto nie słužyŭ u vojsku
Deputaty rasijskaj Dziarždumy ŭnieśli zakonaprajekt ab pavialičeńni padachodnaha padatku dla mužčynaŭ, jakija nie prachodzili słužbu ŭ vojsku, paviedamlajuć rasijskija ŚMI.
Na siońniašni dzień jaho pamier składaje 13%, adnak zakonaprajekt prapanuje pavialičyć pamier padatka da 20% dla mužčynaŭ, jakija nie prachodzili terminovuju słužbu ŭ vojsku.
Sami deputaty tłumačać, što takija zachady dapamohuć pavysić aŭtarytet armii ŭ hramadstvie.
Zaŭvahi i prapanovy pa hetym zakonaprajekcie buduć prymacca da 21 červienia. Ci praduhledžvaje zakonapriekt dyfierencyjacyju tych, chto nie słužyŭ, i ci padpadajuć pad jaho dziejańnie nie prydatnyja da słužby pavodle miedycynskich pakazčykaŭ, pakul nie paviedamlajecca.