Першы музей афганскай вайны адкрыўся ў Мінску
Першы музей афганскай вайны «Чэсць і доблесць воінаў-інтэрнацыяналістаў» адкрыўся ў Мінску. Экспазіцыя размясцілася ў СШ №2.
У экспазіцыі прадстаўлены фатаграфіі, ваенная форма, асабістыя рэчы воінаў-інтэрнацыяналістаў, а таксама кнігі, прысвечаныя гісторыі афганскай вайны. У музеі ёсць незапоўненыя месцы для новых экспанатаў, якія, як спадзяецца адміністрацыя школы, папоўняць экспазіцыю.
Стварэнне музея было сумеснай задумай адміністрацыі Фрунзенскага раёна, Савета мінскай гарадской арганізацыі ветэранаў вайны ў Афганістане і раённай арганізацыі воінаў-інтэрнацыяналістаў. Адкрыццё музея прымеркавана да 25-годдзя вываду войскаў з Афганістана.
Наведаць музей могуць усе ахвотныя пасля папярэдняга інфармавання кіраўніцтва школы.