Ад Цянюты не адступаюцца

Актывіст маладзёжнага руху Андрэй Цянюта паўторна дапытаны ва УКДБ па Гомельскай вобласьці.

17 кастрычніка актывіст маладзёжнага дэмакратычнага руху Андрэй Цянюта быў выкліканы ва ўпраўленне Камітэта дзяржаўнай бяспекі па Гомельскай вобласці і дапытаны ў якасці падазронага па крымінальнай справе ў адносінах да незарэгістраванай арганізацыі «Малады фронт».

Як паведаміў БелаПАН А.Цянюта, следчы УКДБ узяў з яго падпіску аб невыдаванні звестак, што тычацца следства па справе «Маладога фронту».

Нагадаем, на працягу двух месяцаў актывіст восем разоў з розных прычын — ад высвятлення асобы да падазрэнняў у згвалтаванні — затрымліваўся супрацоўнікамі міліцыі. Апошні раз ён быў затрыманы пры спробе паехаць цягніком у Мінск 14 кастрычніка. Раней супрацоўнікі КДБ правялі вобыск у кватэры бацькоў А.Цянюты і забралі кам’ютэр.

17 кастрычніка ва ўпраўленне КДБ з А.Цянютам прыйшлі яго сябры, якія запатрабавалі кнігу заўваг і прапаноў і пакінулі там свае запісы.

Алена Германовіч, БелаПАН

Каментары да артыкула