Ad Cianiuty nie adstupajucca

Aktyvist maładziožnaha ruchu Andrej Cianiuta paŭtorna dapytany va UKDB pa Homielskaj vobłaści.

17 kastryčnika aktyvist maładziožnaha demakratyčnaha ruchu Andrej Cianiuta byŭ vyklikany va ŭpraŭleńnie Kamiteta dziaržaŭnaj biaśpieki pa Homielskaj vobłaści i dapytany ŭ jakaści padazronaha pa kryminalnaj spravie ŭ adnosinach da niezarehistravanaj arhanizacyi «Małady front».

Jak paviedamiŭ BiełaPAN A.Cianiuta, śledčy UKDB uziaŭ ź jaho padpisku ab nievydavańni źviestak, što tyčacca śledstva pa spravie «Maładoha frontu».

Nahadajem, na praciahu dvuch miesiacaŭ aktyvist vosiem razoŭ z roznych pryčyn — ad vyśviatleńnia asoby da padazreńniaŭ u zhvałtavańni — zatrymlivaŭsia supracoŭnikami milicyi. Apošni raz jon byŭ zatrymany pry sprobie pajechać ciahnikom u Minsk 14 kastryčnika. Raniej supracoŭniki KDB praviali vobysk u kvatery baćkoŭ A.Cianiuty i zabrali kamjuter.

17 kastryčnika va ŭpraŭleńnie KDB z A.Cianiutam pryjšli jaho siabry, jakija zapatrabavali knihu zaŭvah i prapanoŭ i pakinuli tam svaje zapisy.

Alena Hiermanovič, BiełaPAN

Kamientary da artykuła