Сямашка: Беларусь гатова падпісаць Дамову аб ЕАЭС 29 мая
Беларусь гатова падпісаць дамову аб Еўразійскім эканамічным саюзе 29 мая, заявіў сёння ў час Беларускага прамысловага форуму першы віцэ-прэм'ер Беларусі Уладзімір Сямашка.
«Праект Дамовы прайшоў усе ўзгадненні і чакаецца яго падпісанне 29 мая кіраўнікамі дзяржаў, — сказаў ён. — Сёння ва ўрадзе мы яшчэ раз абмеркавалі гэты дакумент
і знайшлі рашэнні па ўсіх пытаннях. Беларускі бок прынцыпова гатовы да падпісання дамовы».
Паводле слоў Сямашкі, Беларусь працягвае зыходзячы з таго, што ў рамках саюза не павінна быць ніякіх выключэнняў і абмежаванняў.
«Рэспубліка Беларусь зыходзіць з таго, што Еўразійскі эканамічны саюз павінен грунтавацца на поўнамаштабным мытным саюзе без якіх-небудзь выключэнняў і перашкод эканамічнага характару», - падкрэсліў першы віцэ-прэм'ер.