Кіраўнік Скотланд-Ярда арыштаваў злачынцаў проста падчас свайго інтэрв'ю
Самы галоўны паліцэйскі Брытаніі — кіраўнік паліцыі Вялікага Лондана сэр Бернард Хоган-Хоўв — перапыніў інтэрв'ю, каб затрымаць падазраванага ў крадзяжы.
Паліцэйскі даваў інтэрв'ю радыёстанцыі BBC London у раёне Тотэнхэм, калі нечакана пад'ехала таксі, кіроўца якога паведаміў аб крадзяжы грошай і мабільнага тэлефона.
Сэр Бернард сеў у аўтамабіль, пасля чаго таксіст дагнаў меркаваных рабаўнікоў, а кіраўнік лонданскай паліцыі арыштаваў іх.
Паводле яго слоў, цяпер ён мае права сцвярджаць, што затрымліваў падазраваных ва ўсіх званнях.