Удзельнікаў акцый пратэсту ў Тыбэце паказальна пакаралі
Прысуды, якія вынесьлі кітайскія ўлады ўдзельнікам акцый пратэсту ў Тыбэце, аказаліся вельмі жорсткія: ажно да пажыцьцёвага зьняволеньня.
17 удзельнікаў сакавіцкіх акцый асуджаны на розныя тэрміны зьняволеньня: ад трох гадоў да пажыцьцёвага.
Прычым прысуд вынесены ў прысутнасьці больш чым 200 прадстаўнікоў праваахоўных органаў, манахаў і простых жыхароў.
Падчас сакавіцкіх падзей, калі ў Лхасе прайшлі дэманстрацыі з патрабаваньнем незалежнасьці Тыбэту, толькі паводле афіцыйных зьвестак, загінулі 19 чалавек і 623 былі параненыя.