Масавыя хваляваньні — у адміністрацыйным цэнтры Тыбэту Лхасе. Сама мала загінулі два чалавекі, лік параненых ідзе на дзясяткі.
У пятніцу, 14 сакавіка, на дэманстрацыі зноў выйшлі тысячы людзей, якія выступаюць супраць кітайскай улады ў рэгіёне.
А 14:00 паводле мясцовага часу (8:00 паводле менскага) на дзьвюх цэнтральнай вуліцах Лхасы, вакол манастыроў Ёкхан, Рамош, а таксама рынку Чомігхан, загарэліся некалькі гандлёвых кропак.
«Інтэрфакс» паведамляе, што ў вулічных сутычках дзясяткі чалавек атрымалі траўмы. Апроч таго, відавочцы паведамляюць, што чулі стрэлы. У мэтах бясьпекі ў горадзе зачынены некаторыя гатэлі і крамы.
Ад панядзелка будыйскія манахі праводзяць у Тыбэце маніфэстацыі з нагоды 49‑й гадавіны паўстаньня ў Лхасе, якое скончылася выгнаньнем духоўнага лідэра Тыбэту Далай‑ламы.
Афіцыйны Пэкін пакуль не камэнтуе падзеі. Але раней у чацьвер афіцыйны прадстаўнік замежнапалітычнага ведамства краіны Цынь Ган заявіў, што беспарадкі ў Тыбэце ёсьць палітычна «заплянаваным крокам групы асоб, што падтрымліваюць Далай‑ламу, і скіраваныя на тое, каб парушыць нармальнае гарманічнае жыцьцё тыбэцкага народу».
Паводле апошних зьвестак усё ёсьць ахвяры, сама мала загінулі два чалавекі, улады Кітаю абмежавалі трансьляцыю замежных каналаў.
Цяпер чытаюць
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў1
Каментары