Мэр Лондана абвінаваціў прэзідэнта Абаму ў крывадушнасці
Мэр Лондана Барыс Джонсан абвінаваціў прэзідэнта ЗША Барака Абаму ў крывадушнасці за яго выказванні супраць магчымага выхаду Вялікабрытаніі з Еўрасаюза.
У інтэрв'ю Бі-бі-сі Джонсан, які падтрымлівае ідэю выхаду Брытаніі з ЕС, падкрэсліў, што, даючы такія парады, самі амерыканцы не хочуць губляць свой суверэнітэт, чаго патрабуюць ад брытанцаў.
«Мне здаецца даволі дзіўным, што амерыканцы павучаюць нас таму, што нам трэба адмовіцца ад суверэнітэту, у той самы час, калі яны самі нават не падпісваюць, скажам, закон аб прызнанні Міжнароднага крымінальнага суда», - сказаў мэр Лондана.
Як раней паведаміла брытанская прэса, падчас візіту на наступным тыдні ў Лондан прэзідэнт ЗША мае намер заклікаць выбаршчыкаў галасаваць за захаванне Вялікабрытаніі ў складзе ЕC.
Белы дом падкрэсліў што, выказваючы свой пункт гледжання па гэтым пытанні, Абама ўсё ж лічыць, што рашэнне застаецца выключна за самімі брытанцамі.
Рэферэндум аб магчымым выхадзе Брытаніі з ЕС адбудзецца 23 чэрвеня гэтага года.