У штаце Каларада маці выцягнула сына з пашчы пумы
У амерыканскім штаце Каларада маці выратавала свайго пяцігадовага сына, на якога пума напала ў дворы дома.
Жанчына пачула крыкі і выбегла з хаты ў двор, дзе ўбачыла, што пума напала на яе сына. Паводле слоў маці, яна схапіла жывёлу за лапу і засунула сваю правую руку ў яе пашчу, каб адкрыць яе і вызваліць адтуль галаву сына.
Пасля таго як маці удалося вызваліць хлопчыка, пума ўцякла.
Зараз дзіця знаходзіцца ў шпіталі ў Дэнверы: паведамляецца, што ў яго пашкоджаныя галава і шыя, аднак дактары ацэньваюць яго стан як задавальняючы. У маці — пакусаная рука і падрапаная нага.
Улады паведамляюць, што неўзабаве пасля інцыдэнту знайшлі пуму непадалёк ад месца здарэння і забілі драпежніка, пасля чаго працягнулі прачэсваць мясцовасць і застрэлілі яшчэ адну пуму.
Папуляцыя пум у штаце Каларада ацэньваецца як 4500 жывёл, часам у пошуках ежы яны набліжаюцца да паселішчаў.
За апошнія 25 гадоў пумы забілі трох чалавек, яшчэ 18 чалавек былі параненыя.