Брамнік футбольнай зборнай Беларусі перайшоў у «Арэнбург»
Капітан мінскага «Дынама» Аляксандр Гутар перайшоў у футбольны клуб расійскай прэм'ер-лігі «Арэнбург». Беларускі галкіпер падпісаў кантракт тэрмінам на адзін год.
Апошнія тры з палавінай сезоны Аляксандр Гутар, якому цяпер 27 гадоў, правёў у мінскім «Дынама», а да гэтага — з 2006 па 2012 год выступаў у барысаўскім БАТЭ.
У 2011 годзе Гутар быў прызнаны найлепшым футбалістам Беларусі.
У «Арэнбургу» яго партнёрам будзе былы аднаклубнік па БАТЭ беларускі паўабаронца Павел Няхайчык.