У Піцеры ў беларусаў адабралі вафлі
За неарыгінальныя расейскамоўныя назвы.
Арбітражны суд гораду Пецярбургу й Ленінградзкай вобласьці прыцягнуў да адміністрацыйнай адказнасьці адну з кандытарскіх фірм Беларусі за незаконнае выкарыстаньне зарэгістраваных у Расейскай Фэдэрацыі таварных знакаў «Сказка» і «Южные ночи».
Уладальнікі таварных знакаў — прадстаўнікі расейскіх ААТ «Красный октябрь» і ААТ «Рот Фронт» — засьведчылі адсутнасьць ліцэнзійных дамоў на выкарыстаньне гэтых таварных знакаў.
Суд прызнаў фірму вінаватай ва ўчыненьні адміністрацыйнага правапарушэньня, і, улічваючы зьмякчальныя абставіны, у выглядзе спрыяньня мытным органам ва ўсталяваньні й спыненьні правапарушэньня, а таксама тое, што прадпрыемства раней не прыцягвалася да адміністрацыйнай адказнасьці, прысудзіў ёй мінімальнае пакараньне — 30 тысяч расейскіх рублёў з канфіскацыяй тавару.