CNN паведаміў пра «акустычную атаку» на супрацоўнікаў пасольства ЗША на Кубе
Некалькі супрацоўнікаў Дзярждэпартамента ў пасольстве ЗША на Кубе падвергліся «акустычнай атацы», паведамляе CNN са спасылкай на некалькіх высокапастаўленых чыноўнікаў.
Прынамсі ў двух супрацоўнікаў у выніку з'явіліся сур'ёзныя праблемы са здароўем, і іх перавезлі на лячэнне ў ЗША, распавялі суразмоўцы тэлеканала.
Адна крыніца паведаміла, што гэтыя супрацоўнікі, магчыма, назаўжды пазбавіліся слыху.
Ахвяры меркаванай «акустычнай атакі» з канца 2016 года дэманстравалі сімптомы, падобныя з сімптомамі страсення мозгу.
Дзярждэпартамэнт уздымаў гэтае пытанне ў перамовах з кубінскімі ўладамі, а таксама накіраваў у Гавану амерыканскіх медыкаў. Аднак высветліць, што менавіта адбылося, не ўдалося, адзначае CNN.
«Мы паспрабавалі высветліць у кубінцаў, што адбываецца. Аднак яны настойваюць на тым, што не ведаюць, пра што гаворка», — распавёў суразмоўца тэлеканала.
Расследаваннем пытання займаецца ФБР.