Адэля Вольская выступіць замест бацькі на Дні Волі ў Мінску
Дачка Лявона Вольскага Адэля мае альбом уласных песень, але на мінскім канцэрце #БНР100 выканае хіты бацькі, які ў той жа дзень выступіць у Беластоку, паведамляе «Радыё Свабода».
На мінскім Дні Волі 25 сакавіка — мітынгу-канцэрце ў гонар 100-й гадавіны абвяшчэння незалежнасці Беларускай Народнай Рэспублікі —- выступіць Адэля Вольская, дачка спевака Лявона Вольскага.
Адэля Вольская выканае песьні бацькі, хоць мае ўжо дзевяць запісаных уласных песень у альбоме «Усё атрымаецца». Сам бацька выступіць праз тэлемост. Ён дыстанцыйна прэзэнтуе новую песню.