Маладая спявачка Адэля Вольская прэзэнтавала на TuzinFM першую паўнавартасную працу «Казка», у які ўвайшлі дзевяць песень.
«Гэты альбом — гісторыя майго жыцця ад падлеткавага ўзросту да сённяшняга дня. «Казка» — мікс усяго, што мяне напаўняе. Незвычайнае гучанне і досыць просты тэкст — мой падыход да песень. Я веру, што ўсе людзі, нягледзячы на руціну ды ўнутраныя перажыванні, дзесьці ў глыбіні сэрца мараць пра цуды, вось менавіта пра гэта мой альбом», — кажа аўтарка. У музычным плане «Казка» разнастайная, тут адчуваецца кантры, рэгі і джаз.
Альбом запісваўся ў польскім Любліне, дзе цяпер вучыцца Адэля Вольская. Музычныя партыі запісалі яе аднакурснікі. Усю музыку і словы напісала сама Адэля, у кампазіцыі «Жыццё адно» суаўтарам музыкі выступіў Стас Додзь.
Спявачка ўжо мае матэрыял і натхненне для другога альбома. Што да канцэртнай прэзентацыі, яе мяркуецца правесці на пачатку лета.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны36
Каментары