Amazon выпусціла новы браўзэр з назвай… Internet
Кампанія Amazon выпусціла свой уласны інтэрнэт-браўзэр і назвала яго Internet. Пра навінку з «нечаканай» назвай піша The Verge.
Новы браўзэр пакуль даступны толькі ў Індыі — там яго тэстуюць перад сусветным запускам.
Для ўсталявання неабходна мець гаджэт з Android 5.0 і вышэй. У Amazon абяцаюць мінімальнае спажыванне трафіку і рэсурсаў прылады, укладкі для прыватнага карыстання і стартавую старонку з навінамі.