Xiaomi выпусціць магутны планшэт з дзіўным памерам экрана
Кампанія Xiaomi бліжэйшым часам прэзентуе свой новы планшэтны камп'ютар Mi Pad 4. Выданню Gizmochina сталі вядомыя некаторыя характарыстыкі прылады.
Mi Pad 3 — самы сучасны планшэт кампаніі на дадзены момант
Незвычайнай навіной стала тое, што прылада атрымае экран з суадносінамі бакоў 18:9, што вельмі дзіўна для планшэтаў (пакуль такія дысплэі выкарыстоўваюцца толькі ў смартфонах). Шчыльнасць пікселяў складзе 320 ppi.
Mi Pad 4 будзе працаваць на працэсры Qualcomm Snapdragon 660 частатой 2,0 ГГц і мець акумулятар ёмістасцю 6000 мА*г. Аперацыйная сістэма — Android 8.1 Oreo з MIUI 9.
Задняя камера будзе мець разрозненне 13 Мп, а франтальная — 5 Мп.