У ЗША не выключылі вайны з Паўночнай Карэяй
Пастаянны прадстаўнік ЗША пры ААН Нікі Хэйлі заявіла, што вайна з Паўночнай Карэяй застаецца адным з варыянтаў дзеянняў адміністрацыі прэзідэнта Дональда Трампа. Пра гэта паведамляе тэлеканал CBS.
Яна адзначыла, што цяперашняя адміністрацыя заняла пазіцыю, якая паказвае КНДР, што можа адбыцца з ёй, калі яна будзе пагражаць Злучаным Штатам.
«Ніхто не хоча ваяваць. Прэзідэнт не хоча вайны, я не хачу вайны. Але гэта адзін з магчымых варыянтаў», — патлумачыла пастаянны прадстаўнік.
Заява Хэйлі прагучала на фоне слоў амерыканскага лідара аб «паспяховай падрыхтоўцы» да сустрэчы з паўночнакарэйскім лідарам Кім Чэн Ынам. Па словах Трампа, дата і месца сустрэчы ўжо ўзгодненыя і будуць абвешчаныя ў бліжэйшыя дні