U ZŠA nie vyklučyli vajny z Paŭnočnaj Karejaj
Pastajanny pradstaŭnik ZŠA pry AAN Niki Chejli zajaviła, što vajna z Paŭnočnaj Karejaj zastajecca adnym z varyjantaŭ dziejańniaŭ administracyi prezidenta Donalda Trampa. Pra heta paviedamlaje telekanał CBS.
Jana adznačyła, što ciapierašniaja administracyja zaniała pazicyju, jakaja pakazvaje KNDR, što moža adbycca ź joj, kali jana budzie pahražać Złučanym Štatam.
«Nichto nie choča vajavać. Prezident nie choča vajny, ja nie chaču vajny. Ale heta adzin z mahčymych varyjantaŭ», — patłumačyła pastajanny pradstaŭnik.
Zajava Chejli prahučała na fonie słoŭ amierykanskaha lidara ab «paśpiachovaj padrychtoŭcy» da sustrečy z paŭnočnakarejskim lidaram Kim Čen Ynam. Pa słovach Trampa, data i miesca sustrečy ŭžo ŭzhodnienyja i buduć abvieščanyja ŭ bližejšyja dni