Паўднёвая Карэя і ААН заклікалі Дональда Трампа і Кім Чэн Ына да дыялогу
Дональд Трамп и Мун Чжэ Ін.
Прэзідэнт Паўднёвай Карэі Мун Чжэ Ін пасля рашэння прэзідэнта ЗША Дональда Трампа адмяніць саміт з лідарам КНДР Кім Чэн Ынам звярнуўся да лідараў дзвюх краін з заклікам правесці прамыя перамовы.
«Дэнуклеарызацыя Карэйскага паўвострава і ўсталяванне пастаяннага міру — гістарычныя задачы, ад якіх нельга адмовіцца і якія нельга адкласці», — гаворыцца ў заяве адміністрацыі паўднёвакарэйскага прэзідэнта.
Пры гэтым, паводле заявы, Мун Чжэ Ін быў здзіўлены апошнімі падзеямі.
Акрамя таго, генеральны сакратар ААН Антоніу Гутэрыш заклікаў Трампа і Кіма да рэальнай дэнуклеарызацыі Карэйскага паўвострава.